Artuganciu

El artuganciu^[1] (dacuando tamién llamáu n'España tapaculo)^[2] ye'l frutu pomáceo de los arbustos del xéneru Rosa, y en particular del rosal montesa. Suel ser de color coloráu anaranxáu, pero en delles especies puede variar hasta'l moráu escuru y el negru. Ye un exemplu típicu de cinorrodón.

L'artuganciu ye comestible en crudu, resultando en frescu una escelente fonte de Vitamina C en quitando les granes pilosas del endocarpiu, y ye aptu pa la confección de mermelaes, confitures y auries. Tamién ye un ingrediente corriente en tisanes, munches vegaes entemecíu con hibisco. En Suecia faise sopa d'esta fruta del monte.

Del artuganciu tamién puede estrayese un aceite apreciáu en perfumería.

1. ↑ artuganciu. (Diccionario General de la Lengua Asturiana)
2. ↑ tapaculo. (Real Academia Española. Diccionariu Usual.)